Rossiya qo‘shinlari to‘rt yo‘nalishda olg‘a siljimoqda
© Sputnik / RIA Novosti
/ Obuna bo‘lish
Rossiya qo‘shinlari ming kilometrli front chizig‘ida nafaqat muvaffaqiyatli himoya qilib, balki Avdeyevka, Marinka, Liman va Svatovo yo‘nalishda hujum ham amalga oshirmoqda.
TOShKENT, 6-iyul — Sputnik. Ukraina Qurolli kuchlari ikki oydan buyon barcha yo‘nalishlarda muvaffaqiyatsiz “qarshi hujum”ni amalga oshirmoqda. G‘arb esa qo‘g‘irchoq Ukraina armiyasi va NATO standartidagi harbiy texnikaning tobora yo‘q bo‘lib ketayotganini xavotir bilan kuzatmoqda, deb ta’kidlaydi Sputnik harbiy sharhlovchisi Aleksandr Xrolenko.
Rossiya Federatsiyasi Qurolli kuchlari maxsus harbiy operatsiya hududida hujum, taktik va strategik ustunlikni saqlab kelmoqda, 1000 kilometrlik front chizig‘ining to‘rtta yo‘nalishida oldinga siljimoqda.
Rossiya qo‘shinlari Avdeyevka, Marinka, Liman va Svatovo hududlarida oldinga siljishmoqda. UQK bo‘linmalari o‘z pozitsiyalarini tark etib, Orexovo hududida ortga chekinmoqda.
3 iyul kuni Rossiyaning Zaporojye yo‘nalishidagi qarshi hujumi UQK ning yuzlab yo‘q qilingan zirhli texnikasi, dushmanlardan ozod qilingan hududlar va “Zemledelie” yuqori texnologiyali tizimlari yordamida maydonlarini qayta minalash kabi natijalarni ko‘rsatmoqda.
UQK quruqlikdagi qo‘shinlari qo‘mondoni Aleksandr Sirskiy Artyomovsk yaqinidagi og‘ir vaziyat va Rossiyaning Chasov Yarga (“Vostok” Ukraina kuchlari guruhi qo‘mondonligining qarorgohi mavjud hudud) bostirib kirishi tahdidi haqida e’lon qildi.
5 iyulga o‘tar kechasi Dnepropetrovsk, Sumi va Xarkov viloyatlaridagi UQKning arsenallari va joylashtirish punktlariga yuqori aniqlikdagi uzoq masofali qurollar orqali zarba berildi.
Ukraina qo‘shinlari frontning barcha yo‘nalishlarida katta yo‘qotishlarga duchor bo‘lmoqda — 4-iyundan beri 15 mingga yaqin askarlar, 2500 ta qurol, shu jumladan, 15 ta samolyot, 3 ta vertolot, 920 ta zirhli texnika, shuningdek, 54 ta “Leopard” dan 16 tasi yo‘q qilindi.
Ukraina qo‘mondonligining “18 iyungacha Melitopolni o‘rab olish” rejalari amalga oshmay qoldi.
UQKning turli hududlarda kuchaytirilgan batalon va kichik taktik guruhlar bilan doimiy “qarshi hujumi” asta-sekin foydasiz mudofaaga aylanmoqda.
Shu bilan birga, Kiyev NATO qurollarining miqdori va sifati yetarli darajada emasligidan shikoyat qilmoqda. G‘arbda esa ular Ukraina askarlarining yomon tayyorgarligi va past g‘ayrati haqida gapirishmoqda. NATO Harbiy qo‘mitasi rahbari Rob Bauer UQK ning muvaffaqiyatsizligini Rossiya armiyasining muhandislik tuzilmalarining o‘ziga xos murakkabligi, mudofaa pozitsiyalarining 30 km chuqurlikdagi eshelonlari bilan izohlaydi.
Aslida Ukraina harbiy harakatlar teatrida UQK va NATOning muqarrar mag‘lubiyatini Rossiya qo‘shinlarining hujumkor operatsiyalari, zarba qurollari va jangovar ustunligini ta’minlaydi.
G‘arb urush zulmatida
Dastlab afsonaviy NATO tanklari va piyoda jangovar mashinalari “muhim hududlarni qaytarishni”, hatto USSRning 1991-yildagi chegaralarini qaytarishni ta’minlashi kerak edi.
Ukraina hujumining dastlabki 30 kunlik natijalari G‘arb “hafsala”sini pir qildi. AQSh va uning ittifoqchilari hali ham “uzoq kutilgan qarshi hujum”ning rivojlanishiga va Rossiyaning zaiflashishiga umid qilmoqda, Ukrainadan jang maydonida muvaffaqiyat talab qilmoqdalar.
Mohirona mag‘lubiyatga uchragan NATO zirhli mashinalari bu borada muvaffaqiyat va’da qilmaydi.
Rossiya maxsus harbiy operatsiyasi davrida 690 ta samolyot va vertolotlar, 10 530 dan ortiq tanklar va zirhli texnikalar, 5 340 ta artilleriya va 1 130 ta zalp hujum reaktiv tizimi, 426 ta zenit-raketa tizimlari “demilitarizatsiya” qilindi.
Ukrainaga tegishli bo‘lmagan ushbu qurollarning asosiy qismi Kiyev rejimining g‘arbiy homiylari tomonidan “dunyo bo‘ylab” to‘plangan.
NATO va boshqa AQSh ittifoqlarining harbiy zaxiralari bo‘shab qoldi. Hatto Amerika harbiy-sanoat majmuasi ham Rossiya bilan proksi urush yukini ko‘tara olmaydi. Hammaga tushunarli: agar Ukrainaga qurol-yarog‘ va o‘q-dorilar yetkazib berish to‘xtatilsa, maxsus harbiy operatsiya bir necha kun ichida tugaydi. Biroq G‘arb hali mag‘lubiyatni qabul qilishga tayyor emas, qoldiqlarni titkilamoqda va urush zulmatida jar yoqasi tomon sudralib ketmoqda.
Yevropa Ittifoqi va NATO o‘zlarining so‘nggi kuchlari bilan qurol yetkazib berishni mantiqsiz davom ettirmoqdalar. 2023-yilda Germaniya Ukrainaga harbiy yordam uchun 5,4 milliard yevro ajratdi va yaqin kelajakda UQKga juda eski "Leopard 1A5" tanklarining yangi partiyasini topshirishga va’da bergan. Bundesverning 300 ta tankidan atigi 130 tasi jangga layoqatli.
Amerika o‘z nafaqaxo‘rlarini 20-yildan beri turgan “Stinger” zenit-raketa ishlab chiqarilishini jonlantirish uchun safarbar qildi.
AQSh QK Bosh shtab boshliqlari qo‘mitasi rahbari Mark Millining aytishicha, UQK qarshi hujumi “juda qiyin, juda uzoq va juda-juda qonli” bo‘ladi.
Ukraina prezidenti Vladimir Zelenskiy beparvolik bilan zaxiradagi so‘nggi askarlarini qullarni qurbon qilgan kabi “Zaporojye qirg‘ini”iga tashlamoqda.
Shu bilan birga, Rossiyaning harbiy qudrati ko‘z o‘ngimizda o‘sib bormoqda — yangi samolyotlar, tanklar, artilleriya tizimlari, havo hujumiga qarshi mudofaa tizimlari, raketalar va snaradlar, shuningdek, HIMARS reaktiv snaradlari, JDAM havo-bombalari va NATO standartidagi boshqa “aqlli” qurollarni ko‘r qiladigan radio-elektron urush tizimlari ko‘paymoqda.
Amerikaning “Military Watch” jurnali Rossiya qurollarining, xususan, G‘arb uchun yangilik bo‘lgan “Iskanderlar” va “Lansetlar”ning yuqori samaradorligini qayd etmoqda.
Yuqori ishonchlilikni Rossiya dinamik himoyasi ham isbotladi — tanklar bir nechta snarad yoki raketa zarbalariga bardosh bermoqda.
Rossiyaning alohida “Olimpiya” yutug‘i — bu dushman yengib o‘ta olmaydigan yuqori texnologiyali minali to‘siqlar.
G‘arbda urush zulmati asta-sekin tarqalmoqda. Fransiya armiyasining sobiq qo‘mondoni Jan Bernar Pinatel Ukrainaning qarshi hujumi boshidan muvaffaqiyatsizlikka duchor bo‘lganini generallardek ochiqchasiga aytdi: “Biz yadroviy kuchga ega davlat va texnik imkoniyatlar bilan inson salohiyatiga ega bo‘lmagan davlat o‘rtasidagi qarama-qarshilikka guvoh bo‘lmoqdamiz… Ukrainaning eng zaif joyi — bu uning xalqi, aniqrog‘i ularning yo‘qligi, eng yaxshi jangchilar allaqachon nobud bo‘lgan”.
General Rossiyaning havo va yerdagi hujum kuchi bo‘yicha mutlaq ustunligini ta’kidladi, bu UQKning mudofaa va hujumdagi katta yo‘qotishlarini belgilaydi.
Bundan tashqari, fransuz eksperti quyidagini ta’kidladi: “Yevropa Rossiya gazisiz qiynaladi... Inqirozgacha Yevropa 200 milliard kubometr Rossiya gazini iste’mol qilgan, Shimoliy Amerika esa bor-yo‘g‘i 2 milliard kubometr gaz yetkazib bergan. Yevropaliklarning o‘zlari ularni oziqlantirgan qo‘lni tishlashdi... Rossiya, aksincha, iqtisodiy jihatdan gullab-yashnamoqda va rivojlanmoqda, chunki u xoh xomashyo, xoh g‘alla, xoh energiya bo‘lsin, har jihatdan mustaqildir”.
Ukraina armiyasining qaytarilmas “demilitarizatsiyasi” fonida AQSh va NATOda xavotir kuchaymoqda. Kiyev rejimini harbiy qo‘llab-quvvatlash qiyinlashishi mumkin, chunki CNN ma’lumotlariga ko‘ra, “Ukrainaning urush harakatlarini qo‘llab-quvvatlayotgan ko‘plab mamlakatlar yuqori inflyatsiya, foiz stavkalari oshishi va iqtisodiy o‘sishning sustligi bilan bog‘liq muammolarga duch kelmoqda... saylovchilar zo‘rg‘a kun ko‘rmoqda”.
Ehtimol, G‘arb uchun bu hali “yorug‘ kunlar”dir, eng yomoni esa hali oldinda.
