Maxsus operatsiya: 17-aprelning asosiy voqealari
20:10 17.04.2023 (yangilandi: 13:34 18.04.2023)
© Sputnik / RIA Novosti
/ Obuna bo‘lish
Rossiya Qurolli kuchlari maxsus operatsiya maqsadlariga muvofiq Ukraina armiyasi, millatchi batalonlari, xorijiy yollanma askarlar guruhlari hamda harbiy texnikasini yo‘q qilishda davom etmoqda.
TOShKENT, 17 apr — Sputnik. Rossiya Federatsiyasi olib borayotgan maxsus harbiy operatsiyaning so‘nggi sutka davomida sodir bo‘lgan asosiy voqealari.
Mudofaa vazirligi hisoboti:
Kupansk yo‘nalishida "G‘arb" qo‘shinlar guruhi Xarkov viloyatining Dvurechnaya, Timkovka, Tabayevka va Berestovoe aholi punktlari hududlarida Ukraina Qurolli Kuchlarining 35 nafar harbiy xizmatchilari va "Akatsiya" o‘ziyurar gaubitsasini yo‘q qilishdi.
Xarkov viloyatining Sinkovka, Kislovka va Lugansk Xalq Respublikasining Stelmaxovka aholi punktlari hududlarida Ukrainaning uchta diversion-razvedka guruhi to‘xtatildi.
Xarkov viloyati, Kupevaxa aholi punkti hududida har tomonlama ko‘rish va P-18 va 36D6 rusumli Ukraina radiolokatsion stansiyalari yo‘q qilindi.
Krasniy Liman yo‘nalishida "Markaz" qo‘shinlar guruhi DXRning Terniy, Grigorovka va Chervonaya Dibrova aholi punktlari hududlarida dushmanning 70 dan ortiq harbiy xizmatchisi, zirhli jangovar mashinalari va "Gvozdika" o‘ziyurar gaubitsasini yo‘q qildi.
Donesk yo‘nalishida hujumchi otradlar o‘tgan kun ichida Artemovsk shahrining shimoli-g‘arbiy va markaziy qismidagi ikkita kvartalni egallab olishdi.
Havo-desant qo‘shinlari, operativ-taktik, armiya aviatsiyasi va artilleriyasi hududdagi hujum bo‘linmalarining harakatlarini qo‘llab-quvvatlab, qanotlarda dushmanning harakatlarini to‘sdi. Aviatsiya 22 ta parvoz amalga oshirdi.
DXRning Bogdanovka, Chasov Yar va Konstantinovka aholi punktlari hududlarida Ukraina Qurolli kuchlari bo‘linmalariga zarba berildi.
Dushmanning ushbu yo‘nalishidagi yo‘qotishlari 270 dan ortiq ukrainalik harbiy xizmatchi, bitta tank, bitta BMP, yettita zirhli jangovar mashinasi va beshta texnikasini tashkil etdi.
Janubiy Donesk va Zaporojye yo‘nalishlarida "Sharq" kuchlar guruhi DXRning Ugledar, Velikaya Novoselka hamda Zaporojye viloyatining Zagornoe, Malaya Tokmachka va Kamenskaya shaharchalari hududlarida dushman bo‘linmalarini mag‘lub etdi.
DXRning Novomixaylovka aholi punkti yaqinida UQKning qo‘poruvchilik va razvedka guruhining faoliyati to‘xtatildi.
Bu yo‘nalishda bir sutkada 60 nafargacha ukrainalik harbiy xizmatchi, ikkita pikap va bitta Msta-B gaubitsasi yo‘q qilindi.
Zaporojye viloyatining Novodanilovka va Novoandreyevka aholi punktlari hududlarida Ukraina Qurolli kuchlarining 65-mexanizatsiyalashgan brigadasining o‘q-dorilar ombori, shuningdek, qurol-yarog‘ va harbiy texnikasi bo‘lgan angar vayron qilingan.
Xerson yo‘nalishida 55 dan ortiq ukrainalik harbiy xizmatchilar, uchta avtomashina, AQShda ishlab chiqarilgan M777 artilleriya tizimi, shuningdek, "Akatsiya" va "Gvozdika" o‘ziyurar to‘plari yong‘in shikastlanishi natijasida yo‘q qilindi.
Rossiya tezkor-taktik aviatsiyasi, raketa kuchlari va artilleriyasi bir sutka davomida UQKning 123 ta hududida joylashgan 95 ta artilleriya bo‘linmalarini mag‘lub etdi.
Havo mudofaa kuchlari o‘tgan sutka davomida 3ta AQShda ishlab chiqarigan HIMARS ko‘p raketalari tizimining uchta raketasini tutib oldi.
Bundan tashqari, DXRning Verxnetoretskoe, Vasilevka, Krapivnitskoe va Xerson viloyatining Golaya Pristan aholi punktlari hududlarida Ukrainaning to‘rtta uchuvchisiz uchish apparati yo‘q qilindi.
Maxsus harbiy operatsiya boshlangandan buyon Ukraina jami 407 ta samolyot, 228 ta vertolot, 3764 ta uchuvchisiz uchish apparati, 415 ta zenit-raketa kompleksi, 8699 ta tank va boshqa zirhli jangovar texnika, 1086 ta ko‘p raketa tizimiga ega jangovar texnika, 4606 ta maydon artilleriya qurollari va minomotlari, shuningdek, 9552 dona maxsus harbiy mashinasidan mahrum bo‘ldi.
