Boyevaya podgotovka podrazdeleniy VDV na poligone v zone SVO. - Sputnik O‘zbekiston, 1920, 24.02.2022
Rossiyaning Donbassdagi maxsus harbiy operatsiyasi
Rossiya 21-fevral kuni Donesk va Lugansk xalq respublikalarini tan olishini e’lon qildi, 24-fevral kuni esa Vladimir Putin Donbassda maxsus harbiy operatsiya boshlanganini ma’lum qildi. Rossiya Mudofaa vazirligi Ukraina harbiy infratuzilmasiga, xususan qurol-yarog‘ omborlari va aerodromlarga zarba berdi.

Qora dengizga qulab tushgan AQSh droni ehtimoliy videosi e’lon qilindi

Obuna bo‘lish
Pentagon Qora dengiz ustida AQShning uchuvchisiz uchoqlari bilan sodir bo‘lgan voqea aks etgan ehtimoliy videlavhani tarqatdi.
TOShKENT, 16 mar — Sputnik. Pentagon Qora dengiz ustida qulab tushgan AQShning uchuvchisiz apparati suratga olgan (ehtimoliy) videoni e’lon qildi. RIA Novosti xabariga asosan.
E’lon qilingan videoda Rossiyaning Su-27 samolyoti katta tezlikda dron yonidan uchib o‘tib ketishi aks etgan. Shundan so‘ng dron parragi aylanishdan to‘xtashi va video uzilib qolishi aks etgan.
Eslatib o‘tamiz, seshanba kuni AQShning MQ-9 Reaper zarba beruvchi uchuvchisiz apparati Qora dengiz ustida qulab tushgan edi. Shundan so‘ng Pentagon rahbari Rossiya Aerokosmik kuchlariga murojaat qildi.

Rossiya Mudofaa vazirligi ma’lumotlariga ko‘ra, hodisa 14-mart kuni ertalab soat 09:30da (msk) Qrim hududida sodir bo‘lgan. Transponderlari o‘chirilgan Amerika droni maxsus harbiy operatsiya vaqtida parvozlar cheklangan havo hududi chegarasini buzgan holda Rossiya yo‘nalishi bo‘yicha uchib kelgan. Radiolokatorlar dronni aniqlaganidan so‘ng havo hujumidan mudofaa kuchlarining navbatchi samolyoti havoga ko‘tarilgan.

Rossiya qiruvchi samolyoti dron yonidan uchib o‘tganidan so‘ng u to‘satdan balandligini yo‘qotib, suvga qulab tushgan. Rossiya samolyoti MQ-9ga qarshi qurol ishlatmagan u bilan to‘qnashmagan va o‘z aerodromiga zararsiz qaytgan.
Rossiya tashqi ishlar vaziri Sergey Lavrovning so‘zlariga ko‘ra, Vashington Ukrainada maxsus operatsiya boshlanganidan so‘ng Qora dengizning qirg‘oqbo‘yi hududlarida parvozlar uchun cheklovlar o‘rnatilganini hisobga olmayapti. Uning ta’kidlashicha, AQShning bunday harakatlari keskinlikni oshirishga qaratilgan provokatsiyaga o‘xshaydi. Vazirning so‘zlariga ko‘ra, Qo‘shma Shtatlar strategik barqarorlikdan manfaatdor mas’uliyatli kuch bo‘lish haqida doimo gapirib keladi.
Yangiliklar lentasi
0