Turkiyadagi zilzila: qidirilayotgan o‘zbekistonliklar bilan aloqa o‘rnatildi - video
08:40 08.02.2023 (yangilandi: 10:39 08.02.2023)
© O‘zbekistonning Istanbuldagi Bosh konsulxonasi O‘zbekiston FVV
© O‘zbekistonning Istanbuldagi Bosh konsulxonasi
Obuna bo‘lish
Turkiyaga yetib borgan O‘zbekiston FVV bo‘linmalari Hatay provinsiyasining Ovakenti va Jumabozorida qidiruv-qutqaruv ishlarini amalga oshirmoqda.
TOShKENT, 8 fev — Sputnik. Turkiyadagi tabiiy ofat oqibatida qidirilayotgan 2 nafar o‘zbekistonlik bilan aloqa o‘rnatildi. Bu haqda O‘zbekistonning Istanbuldagi Bosh konsulxonasi xabar berdi.
Turkiyadagi zilzila oqibatlarini bartaraf etish maqsadida safarbar etilgan O‘zbekiston Favqulodda vaziyatlar vazirligi vakillari Hatay viloyatining Ovakent qishlog‘ida qidiruv-qutqaruv ishlarini boshladi. Bu hududda asosan 10 mingdan ortiq etnik o‘zbeklar istiqomat qiladi.
© O‘zbekistonning Istanbuldagi Bosh konsulxonasi O‘zbekiston FVV
O‘zbekiston FVV
© O‘zbekistonning Istanbuldagi Bosh konsulxonasi
“7 fevral 17:00 holatiga Turkiyadagi tabiiy ofat oqibatida 1 nafar fuqaro vafot etgan, 15 nafar vatandoshlarimiz qidirilayotgan edi, bulardan 2 nafari bilan aloqa o‘rnatilib, 13 nafarini qidiruv ishlari davom etmoqda”, - deyiladi xabarda.
Ta’kidlanishicha, qidiruv-qutqaruv ishlari davom ettirilmoqda.
© O‘zbekistonning Istanbuldagi Bosh konsulxonasi O‘zbekiston FVV
O‘zbekiston FVV
© O‘zbekistonning Istanbuldagi Bosh konsulxonasi
Ishlar 24 soat uzluksiz yo‘lga qo‘yilgan bo‘lib, qutqaruvchilarga UMKE tashkiloti mutaxassilari yordam bermoqda.