Rossiya va Qozog‘iston yo‘lbarslarni reintroduksiya qilish to‘g‘risida kelishuv imzoladi
11:31 05.09.2022 (yangilandi: 18:39 05.04.2023)
Obuna bo‘lish
Rossiya tabiiy resurslar vaziri Aleksandr Kozlov va Qozog‘iston Respublikasi ekologiya, geologiya va tabiiy resurslar vaziri o‘rinbosari Aliya Shalabekova yo‘lbarslarni respublika hududiga reintroduksiya qilish to‘g‘risida shartnoma imzoladi.
TOShKENT, 5 sen — Sputnik. Rossiya va Qozog‘iston Sharqiy iqtisodiy forumning ochilish kunida yo‘lbarslarni respublikaga reintroduksiya qilish to‘g‘risida kelishuv imzoladi, ularning bir qismini Primoryedan olib kelish mumkin. Bu haqda RIA Novosti yozmoqda.
“Tadbir doirasida Rossiya tabiiy resurslar vaziri Aleksandr Kozlov va Qozog‘iston Respublikasi ekologiya, geologiya va tabiiy resurslar vaziri o‘rinbosari Aliya Shalabekova yo‘lbarslarni respublika hududiga reintroduksiya qilish to‘g‘risida shartnoma imzoladi. Taxminlarga ko‘ra, populyatsiyaning birinchi avlodi Amur yo‘lbarslaridaniborat bo‘ladi”, deyiladi xabarda.
Bir necha yil muqaddam Qozog‘iston Respublikasi hukumati yo‘lbarslarni mamlakatga qayta joylashtirish rejasini e’lon qilgan edi. Buning uchun tayyorgarlik ko‘rildi, jumladan, Balxash ko‘li hududida alohida muhofaza qilinadigan tabiiy hudud yaratildi.
“Amur yo‘lbarslari populyatsiyasining qariyb 70 foizi Primoryeda yashaydi, shuning uchun bizning mintaqamiz reintroduksiya uchun hayvonlarning donoriga birinchi bo‘lib aylanadi. Yo‘lbarslarni qo‘lga olish, reabilitatsiya qilish va boshqa joyga ko‘chirish bo‘yicha zarur tajribamiz bor. Shuningdek, biz ularni himoya qilish, ushbu hayvonlarni o‘rganish, ziddiyatli vaziyatlarni hal qilish bo‘yicha tajribamizni baham ko‘rishga tayyormiz”, dedi O‘rmon va ovchilik vazirining birinchi o‘rinbosari Aleksey Surovoy.
