Ayrim hududlarda alohida soliq rejimi joriy etildi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik O‘zbekiston, 1920, 15.09.2021
Obuna bo‘lish
Alohida hududlarga So‘x tumani, Rishton tumanining Cho‘ng‘ara mahallasi, Farg‘ona tumanining Shohimardon, Yordon mahallalari va Hosilot mahallasining Toshtepa – 2 ko‘chasi kiritilgan.
TOShKENT, 15 sen – Sputnik. Prezident Shavkat Mirziyoyev “O‘zbekiston Respublikasining Soliq kodeksiga o‘zgartish va qo‘shimchalar kiritish to‘g‘risida”gi qonunga imzo chekdi, deb xabar bermoqda Adliya vazirligi.
Kiritilgan ko‘shimchalarga ko‘ra, ayrim hududlarda soliq solishning alohida tartibini nazarda tutuvchi soliq rejimi kiritildi.
Alohida hududlar quyidagilardan iborat:
Farg‘ona viloyatining So‘x tumani;
Rishton tumanining Cho‘ng‘ara mahallasi;
Farg‘ona tumanining Shohimardon, Yordon mahallalari va Hosilot mahallasining Toshtepa – 2 ko‘chasi.
Ayrim hududlarda soliq stavkalari quyidagi miqdorlarda belgilanadi:
foyda va daromad solig‘i bo‘yicha – 1 foiz;
tadbirkorlar uchun har chorakda 25 ming so‘m;
ijtimoiy soliq bo‘yicha:
yuridik shaxslar uchun – 1 foiz;
yakka tartibdagi tadbirkorlar uchun – yiliga BHMning kamida 1 baravari;
aylanmadan olinadigan soliq bo‘yicha – 1 foiz (2021 yil 1-yanvardan yuzaga keladigan munosabatlarga nisbatan ham qo‘llaniladi).
Davlat organlari soliq solish obyektlariga oid ma’lumotlarni soliq organlariga real vaqt rejimida elektron shaklda taqdim etadi.
Kalkulyator na kuche deneg - Sputnik O‘zbekiston, 1920, 09.09.2021
Mirziyoyev: 2023-yildan QQS 12 foizga tushiriladi
Yangiliklar lentasi
0