O‘zbekiston uchun foydali: Belarusning eng sara mahsulotlari “Innoprom”da
18:15 06.04.2021 (yangilandi: 18:43 06.04.2021)
© Aleksandr Mamoshko
Obuna bo‘lish
Ko‘rgazmada mashinasozlik, metallurgiya, energetika, farmatsevtika, kimyo va tibbiyot sohalarda faoliyat ko‘rsatuvchi 200tadan ortiq korxona ishtirok etmoqda.
TOShKENT, 6 apr — Sputnik. "Innoprom. O‘zbekistonda yirik sanoat haftaligi" xalqaro ko‘rgazmasi ayni qizg‘in pallada.
Unda mashinasozlik, metallurgiya, energetika, farmatsevtika, kimyo va tibbiyot sohalarda faoliyat ko‘rsatuvchi 200tadan ortiq korxona ishtirok etmoqda.
Butun dunyodan Armaniston, Germaniya, Italiya, Koreya, Xitoy, Rossiya, Turkiya, Fransiya, Chexiya, Yaponiya, YeOII va Markaziy Osiyo davlatlari sanoatchilar o‘z yutuqlarini namoyish etishmoqda.
Otkritie belorusskoy ekspozitsii Made in Belarus na promishlennoy vistavke "Innoprom. Promishlennaya nedelya v Uzbekistane"
© Aleksandr Mamoshko
Belaruslar ham "BelAZ", "MAZ", "Niva-xolding", "Belshina", "Lidselmash" xoldingi boshqaruv kompaniyasi, "Academfarm", "Atlant", "Amkodor", "Lidagroprommash", "Mogilevliftmash", "Belcard" va boshqalar o‘z mahsulotlarini ko‘rsatishmoqda.
Kompaniyalar O‘zbekiston uchun foydali bo‘lishi mumkin bo‘lgan texnologiyalarni taqdim etishdi - masalan, kunlik yurish masofasi 300 km gacha bo‘lgan elektrobus va 1524 mm past yo‘l izli tramvay.
Otkritie belorusskoy ekspozitsii Made in Belarus na promishlennoy vistavke "Innoprom. Promishlennaya nedelya v Uzbekistane"
© Aleksandr Mamoshko
Bundan tashqari, Belarus qishloq xo‘jaligida foydali bo‘ladigan - kartoshkani va boshqa ildiz ekinlarini kompleks qayta ishlash mashinalarini taqdim etdi.
Shuningdek, yengil mashinalar, jamoat transporti va qishloq xo‘jaligi texnikalari uchun shinalar namoyish etildi.
Otkritie belorusskoy ekspozitsii Made in Belarus na promishlennoy vistavke "Innoprom. Promishlennaya nedelya v Uzbekistane"
© Aleksandr Mamoshko
Tibbiyot sohasi bo‘yicha belaruslar COVID-19 holatida nafas olish va yurak-qon tomir tizimlari patologiyalarini kompleks davolash uskunalari bilan hayron qoldirishdi – analogi MDHda yo‘q.
Koronavirusni davolash uchun "Rivaksan" preparati ko‘rgazmaning markaziy obyektlaridan biriga aylandi.
Kultivator-o‘simlik oziqlantiruvchi, purkagich, liftlar, elektrodvigatellar, sanoat mahsulotlari, konsol-frezer dastgoh, dvigatellar va mashinalarning boshqa qismlari, nasoslar, moy filtrlari – Belarusning barcha mahsulotlari “Innoprom” ko‘rgazmasida namoyish etilgan.
Made in Belarus ekspozitsiyasi bosh muallifi - Belarus savdo-sanoat palatasining “Belinterekspo” korxonasi.
