Amerikalik olimlar o‘zbeklarga baxt uchun qancha pul kerakligini aniqlashdi

Obuna bo‘lish
Tadqiqot 160ta davlat aholisi o‘rtasida o‘tkazilgan. Markaziy Osiyo davlatlari ichida qirg‘izistonliklar kam pul bilan ham baxtli bo‘lishlari mumkinligi aniqlangan.
TOShKENT, 16 mar — Sputnik. AQShning Perdyu universiteti olimlari dunyoning turli davlatlari aholilariga, shu jumladan, o‘zbekistonliklarga ham ular o‘zlarini baxtiyor his qilishlari uchun qancha pul kerakligini aniqlashdi.
Tadqiqot davomida 1,7 million kishi ma’lumotlari o‘rganilgan, mutaxassislar shuningdek ularning daromadlari va hayotdan qoniqishlari darajasini ham solishtirishgan.
Ma’lum bo‘lishicha, pul qancha ko‘p bo‘lsa, inson shuncha baxtliroq bo‘larkan, ammo ma’lum chegaragacha.
Bundan tashqari, daromadlarning ko‘payib boraverishi yanayam kattaroq baxtsizlikka olib kelishi mumkin ekan.
Molodie lyudi seluyutsya - Sputnik O‘zbekiston, 1920, 29.05.2019
Eng baxtli odamlar toifasiga kimlar kiradi - britaniyalik olim tadqiqoti
"Baxtni sotib olib bo‘lmaydi, lekin pul sizning baxtsizligingizni qisqartirishi mumkin. Ishonchli va qulay daromad shunchaki hayotni yengillashtiradi. Qashshoqlik stressni yuzaga keltiradi va uzoq muddatli zarar yetkazadi", — deyiladi tadqiqotda.
Ro‘yxatda kam miqdordagi pul bilan ham fuqarolari baxtli bo‘ladigan davlatlar sirasiga Surinam (6 799 dollar), Argentina (8 788 dollar), Angola (8 788), Qirg‘iziston (8 997) va Eron (10 134) o‘rin olgan.
Bu 160 ta davlat ichida eng "budjet" ko‘rsatkichlardir.
Bu oraliqda Bermudlardagi "baxt narxi" hammasidan oshib tushgan: bu mamlakat aholisi yiliga 143 933 dollar ishlab topishni istashadi.
Dollari - Sputnik O‘zbekiston, 1920, 13.03.2021
O‘zbekistonliklar dollar sotib olishni kamaytirdi
Reytingda keyingi o‘rinlarda Avstraliya (135 321) va Isroil (130 457) turibdi. Yetakchi beshlikni Shveysariya (128 969) va Yangi Zelandiya (128 844) yakunlagan.
Markaziy Osiyodagi "baxtli hayot kartinasi" juda rang-barang. Bu yerda Turkmaniston ajralib turibdi. Barcha zarur narsalarga ega bo‘lish uchun ushbu mamlakat aholisi yiliga 50 393 dollar daromad olishi kerak ekan (taxminan 176 ming turkman manati).
O‘zbekiston va Tojikistondagi "baxt bahosi" bir-biriga yaqin: 21 960 (230 536 080 so‘m) va 22 850 dollar (260 262 somoniy).
Qozog‘istonliklar o‘zlarini baxtli his etishlari uchun yiliga 14 607 dollar ishlab topishlari kerak bo‘lar ekan – bu 6 million tengedan ko‘proq degani.
Yangiliklar lentasi
0