TOShKENT, 13 okt - Sputnik. O‘zbekistonlik quruvchilar Rossiyada atom elektr stansiyasi qurilishiga taklif qilindi. Bu haqida Tashqi mehnat migratsiyasi agentligi xabar qilmoqda.
“Kursk 2 atom elektrostansiyasi” qurilishida ishlash uchun armatura, duradgorlik va beton quyish ishlariga fuqarolar taklif etiladi, - deyilgan xabarda.
Ish vaqti - kuniga 11 soatdan haftasiga 6 kun. Maosh - 60-78 ming rubl. Ishchilar turar joy va 3 mahal ovqat bilan ta’minlanadi. Talablar: mutaxassislar o‘z kasi bo‘yicha kamida 4 razradga ega va 1-yil mehnat stajiga ega bo‘lishi kerak.
