TOShKENT, 11 avg — Sputnik. Buxoro viloyatida “Moskvich” rusumli mashina ariqqa ag‘darilib ketishi oqibatida ikki kishi hayotdan ko‘z yumdi. Bu haqda IIV huzuridagi Tergov departamenti xabar qilmoqda.
Yo‘l-transport hodisasi 10-avgust kuni G‘ijduvon tuman “Sohibiyon” MFY hududidan o‘tuvchi ichki yo‘lda sodir bo‘lgan. U.B. “Moskvich”ni ishonchnoma asosida boshqarib ketayotgan vaqtda mashinaning old tomon g‘ildiragi chiqib ketgan. Haydovchi boshqaruvni yo‘qotib, yo‘lning chap tomonidagi ariqqa ag‘darilib ketgan.
V rezultate avarii v Buxarskoy oblasti pogibli dva cheloveka
YTH oqibatida avtomashina yo‘lovchilari 50 yoshli A.I. va 44 yoshli G‘.R.lar hodisa joyida vafot etgan.
Hozirda mazkur holat yuzasidan tergovga qadar tekshiruv harakatlari olib borilmoqda.
