TOShKENT, 25-iyun - Sputnik. O‘zbekiston prezidenti Shavkat Mirziyoyev Moskvadagi Islom Karimov nomidagi hiyobonga tashrif buyurdi. Bu haqda davlat rahbarining matbuot xizmati xabar berdi.
Islom Karimov nomidagi xotira bog‘i O‘zbekiston elchixonasi yaqinida joylashgan. O‘zbekiston birinchi prezidentining haykali 2018-yil 18-oktabrda o‘rnatilgan edi.
Mirziyoyev haykal poyiga gullar qo‘ydi va mamlakat tarixida o‘chmas iz qoldirgan respublikaning birinchi prezidenti xotirasiga hurmat bajo keltirdi.
O‘zbekistonning amaldagi rahbarini hiyobonda o‘nlab vatandoshlar kutib turishgan. Prezident yig‘ilganlarning barchasiga salom yo‘lladi.
Eslatib o‘tamiz: kecha 24-iyun kuni Moskvadagi Qizil maydonda G‘alabaning 75-yilligi sharafiga parad bo‘lib o‘tdi. Unda o‘nta xorijiy davlat rahbarlari, shu jumladan Shavkat Mirziyoyev ishtirok etdi.