TOShKENT, 7-may — Sputnik. Jizzaxda mast kishini pichoqlab qo‘ygan fuqaro qo‘lga olindi.
Bosh prokuratura matbuot kotibining Sputnik nashriga ma’lum qilishicha, 6-may kuni Do‘stlik tumani hududidan o‘tgan “Jizzax shahar-Gagarin” temir yo‘l hududida fuqaro 30 yoshli I.X ikki nafar sheriklari bilan mast holatda shu yerda qo‘ylarini boqib yurgan 51 yoshli R.I. bilan o‘zaro janjallashib qolgan.
Keyin mast fuqaro R.I.ning bo‘yin qismidan bo‘g‘ib olib, o‘ng qulog‘idan tishlagan. Shu payt R.I. o‘zini himoya qilish maqsadida yonida bo‘lgan oshxona pichog‘i bilan uning ko‘krak va qorin qismiga ikki marotaba urib, qasddan o‘ldirgan.
Mazkur holat yuzasidan shu kuni R.I.ga nisbatan JKning 97-moddasi 1-qismi bilan jinoyat ishi qo‘zg‘atilgan. Hozirda u ushlangan va tergov harakatlari olib borilmoqda.
