TOShKENT, 15 apr — Sputnik. O‘zbekistondagi yirik obyektlarda qurilishlar qayta tiklanadi. Bu haqda Respublika maxsus komissiyasining tegishli qarori qabul qilindi.
Iqtisodiyot tarmoqlarining muhim yo‘nalishlari va yirik ishlab chiqarish tashkilotlari faoliyatini davom ettirish, shuningdek, yirik qurilish obyektlarida qurilish, rekonstruksiya qilish va ta’mirlash ishlarini davom ettirish (boshlash)ga ruxsat berilishi belgilandi.
Qayd etilishicha, tegishli ruxsatlar Respublika maxsus komissiyasining hududiy shtablari rahbarlari qarori asosida beriladi.
Bunda obyektlarda sanitariya va gigiyena qoidalariga to‘liq rioya etilishi, xodimlarning ovqatlanishi esa bevosita ushbu obyektlarning o‘zida tashkillashtirilishi lozim.