TOShKENT, 6 apr — Sputnik. Koronavirusni yuqtirib olishning birinchi alomati yuqori haroratdir. Bu haqda Jahon sog‘liqni saqlash tashkiloti vakili Margaret Harris ma’lum qildi.
“Odamlar tun yarmida uyg‘onib ketib, ular o‘zlarini juda yomon his qilishgani, nimalar sodir bo‘lganini anglamaganlarini hikoya qilib berishadi”, - deydi Harris.
U shundan so‘ng bemorlarni titroq bosishini qo‘shimcha qildi.
“Eng oshkora alomat – bu isitmalab qaltirash va 38 darajadan yuqori harorat”, - deya Harris so‘zlaridan keltiradi RIA Novosti.
Uning so‘zlariga ko‘ra, 90 foizdan ziyod bemorlar bunga duch kelishgan.
Jahon Sog‘liqni saqlash tashkiloti 11-mart kuni yangi turdagi koronavirus infeksiyasi - COVID-19 tarqalishini pandemiya deb e’lon qilgan edi. 6 aprel ertalabki holatga ko‘ra holatiga dunyoning 200 dan ortiq davlatida jami 1,2 mln nafardan ziyod kishida koronavirus infeksiyasi aniqlangan. Ulardan 264 833 nafari sog‘aygan, 60 mingga yaqin kishi vafot etgan.
O‘zbekistonda koronavirus infeksiyasi aniqlanganlar soni 390 nafarni tashkil etmoqda. Ushbu kasallikdan 30 kishi butunlay sog‘ayib ketgan.
