TOShKENT, 17 mar — Sputnik. Chivin — koronavirus tashuvchi vosita emas. Bu haqda 17-mart kuni AOKAda o‘tkazilgan matbuot anjumanida Sanitariya-Epidemiologiya osoyishtaligi agentligi direktori Baxrom Almatov ta’kidladi.
Matbuot anjumanida yozgacha koronavirus epidemiyasi bartaraf etilmagan holda, bu kasallik chivinlar orqali tarqalishi mumkinmi mazmunidagi savol berildi.
Baxrom Almatovning ma’lum qilishicha, chivinlarning virus tashishga aloqasi yo‘q. Qolaversa, bitta isbotlangan haqiqat bor, havo harorati qancha yuqori va issiq bo‘lsa, viruslar shuncha chekinadi.
Koronavirus boshqa virusli kasalliklar singari mavsumiy kasallik hisoblanadi. Kunlar isishi ushbu kasallikni yengib o‘tishga yordam beradi.
