TOShKENT, 1 mar — Sputnik. Veterinariya sohasi fidoyisi, olim Bastamqul Saidqulov joriy yilning 27-fevral kunida Makka shahrida olamdan o‘tdi. Bu haqda Veterinariya va chorvachilikni rivojlantirish Davlat qo‘mitasining “VETLEGNEWS” telegram kanalida ma’lum qilindi.
Ta’kidlanishicha, ko‘plab shogirdlarning ardoqli ustozi Saidqulov Makka shahriga Umra amallarini bajarish uchun ketgan edi.
Veterinariya sohasi fidoyisi, olim Bastamqul Saidqulov
© Foto: Veterinariya va chorvachilikni rivojlantirish Davlat qo‘mitasi
Saidqulov so‘nggi yillarda “Veterinariya tibbiyoti” jurnalini chop etish g‘oyasini ilgari surgan va bugungi kungacha bu jurnalni tahririga rahbarlik kilib kelgan.
“Soha fidoyisi Bastamqul Saidqulovning yaqinlari va soha mutaxassislariga chuqur ta’ziya izhor etamiz”, - deyilgan xabarda.
