TOShKENT, 16 yanv - Sputnik. Qizil-Bel va Guliston chegara postlari o‘rtasidagi tojik-qirg‘iz chegarasida ikki davlat hukumat delegatsiyalari uchrashuvi qo‘shma bayonnoma imzolanishi bilan yakunlandi, deya xabar beradi Qirg‘iziston hukumati matbuot xizmati.
Tomonlar, xususan, oltita masala bo‘yicha kelishib oldilar.
Birinchidan, ikki mamlakat vakillari chegara hududining 114 kilometrini xatlab chiqishga va bir oy ichida ushbu hududlarning huquqiy holatini asoslab berilishiga kelishib oldilar.
Ikkinchidan, ikkala tomon chegara hududidagi shaxmat tartibida joylashgan notinch hududlarni aniqlash va ularni 2020-yil 1-martga qadar almashinuvi bo‘yicha taklif tayyorlashni rejalashtirmoqda.
Uchinchidan, chegara hududida, ayniqsa har ikki davlat vakillari bir-biriga yaqin yashaydigan joylarda jamoat tartibini birgalikda nazorat qilishni kuchaytirish rejalashtirilgan.
To‘rtinchidan, endilikda chegara yaqinida joylashgan aholi punktlarining ko‘chalarida yoritish va videokuzatuv kameralari paydo bo‘ladi, har qanday mojarolar yuzaga kelgan taqdirda kameralardagi yozuvlar ikkala tomonga taqdim etiladi.
Beshinchidan, ko‘chalar yoritilishi O‘sh-Botken-Isfana magistralining Jaka-Oruk hududidan Isfara-Oruk yo‘li bilan kesishgan qismida o‘tadigan qismida paydo bo‘ladi.
Oltinchidan, tomonlar chegarada olib borilayotgan ishlar to‘g‘risida dastlabki ma’lumotlar ommaviy axborot vositalariga berilmasligi to‘g‘risida kelishib oldilar.
Imzolangan protokolga ko‘ra, tomonlar kelishuvlarning bajarilishi uchun bir xil javobgarlikni o‘z zimmalariga oladilar. Belgilangan barcha ishlar birgalikda bajarilishi ta’kidlangan.
Eslatib o‘tamiz, tojik-qirg‘iz davlat chegarasida ko‘pincha mahalliy aholi yoki ikki mamlakat chegarachilari o‘rtasida to‘qnashuvlar bo‘lib turadi. Bu, asosan, davlatlar o‘rtasidagi chegara aniq bo‘linmagan hududlar bilan bog‘liq.
Chegaraning uzunligi qariyb 970 kilometrni tashkil etadi, ayni paytda atigi 504 kilometrli hudud chegarasi bo‘yicha kelishuvga erishilgan, hududning 70 foizi bahsli sanaladi.
