TOShKENT, 26 noya - Sputnik. Farg‘onada tadbirkordan 60 ming dollar talab qilgan ayol qo‘lga olindi.
Bosh prokuratura xabariga ko‘ra, tadbirkorlik subyektlarining huquqiy himoyasini ta’minlash yuzasidan IIB xodimlari bilan hamkorlikda tezkor tadbir o‘tkazilgan. Unda M.Yu. ismli ayol tadbirkor D.dan tovlamachilik yo‘li bilan 20 ming dollarni olgan vaqtida ashyoviy dalillar bilan ushlangan.
Aniqlik kiritilishicha, ayol qo‘lidagi tadbirkor D. bilan bog‘liq videoyozuvlarni tarqatib, raqobatchi tadbirkorlar o‘rtasida obro‘sizlantirish bilan qo‘rqitgan.
Mazkur holat yuzasidan M.Yu.ga nisbatan nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
