TOShKENT, 28 okt - Sputnik. Bugun, 28-oktabr kuni O‘zbekiston bo‘yicha havo o‘zgarib turadi, yog‘ingarchilik bo‘lmaydi, faqat Farg‘ona vodiysida ayrim joylarda kuchsiz yomg‘ir yog‘ishi mumkin. Bu haqda “O‘zgidromet” xabar qilmoqda. Harorat 18-23 daraja atrofida bo‘ladi.
Ertaga, 29-oktabr kuni ob-havo yog‘ingarchiliksiz bo‘ladi, kechasi harorat 5-10 darajani, kunduzi 20-25 darajani tashkil qiladi.
30 oktabrdan haftaning oxirigacha O‘zbekistonga Turkmaniston hududidan iliq va nam havo oqimi kirishi tufayli ayrim joylarga yomg‘ir yog‘ishi mumkin.
30-31 oktabrda harorat kechasi 7-12 daraja, kunduzi 20-25 daraja bo‘lishi, 1-noyabrda kechasi 7-12 daraja, kunduzi 18-23 daraja, 2-noyabrda kechasi 5-10 daraja, kunduzi 18-23 daraja iliq bo‘lishi kutilmoqda.
