TOShKENT, 24 okt – Sputnik. Bosh prokuratura Samarqand viloyatida MIB xodimiga qarshilik ko‘rsatilganligi yuzasidan xabar qildi.
Xabarda aytilishicha, 23.09.2019 yil soat 17:00 larda MIB Pastdarg‘om tuman bo‘limi davlat inspektorlari B.U. va R.S. lar tumanning Jag‘alboyli mahallasi, 54-uydagi gazdan mavjud qarzdorlikni xonadon egasiga ma’lum qilgan vaqtda iste’molchi U.T. ularning sha’ni va qadr qimmatini kamsituvchi so‘zlar bilan haqorat qilgan.
Shuningdek, U.T. davlat inspektori B.U. ga tegishli “Spark” rusumli transport vositasining old oynasini tayoq bilan urib sindirgan.
Mazkur holat yuzasidan tuman prokuraturasi tomonidan U.T. ga nisbatan JKning 140-moddasi 3-qismi “a” bandi va 173-moddasi 3-qismi “a” bandi bilan jinoyat ishi qo‘zg‘atilgan.