TOShKENT, 21 avg - Sputnik. Ertaga, 22-avgust kuni, Sirdaryo viloyati Guliston shahrida chet el kompaniyalari va diplomatik korpus ishtirokida I Xalqaro investitsiya forumi bo‘lib o‘tadi, deb xabar qilmoqda Sputnik O‘zbekiston muxbiri.
Forum dasturidan seksiya yig‘ilishlari, Sirdaryo viloyati ishlab chiqaruvchilarining ko‘rgazmasi, "B2G" va "B2B" shakllaridagi kooperatsiya birjasi hamda viloyat hokimining mahalliy va xorijiy OAV vakillari uchun brifingi o‘rin olgan.
Ushbu forum Sirdaryo viloyatining chet el mamlakatlari bilan savdo-iqtisodiy hamkorligiga yangi impuls berishi va viloyatga to‘g‘ridan-to‘g‘ri investitsiyalar jalb etilishiga ko‘mak berishi kutilmoqda.
Tadbirda hamkorlik to‘g‘risidagi bitimlar imzolanadi.
Shuningdek, Xalqaro investitsiya forumi doirasida "Gul bayrami", "Qovun sayli" va "Qushlar bayrami" ham tashkil etiladi.
