TOShKENT, 19-iyul — Sputnik. Toshkent shahar IIBB tuman migratsiya va fuqarolikni rasmiylashtirish bo‘limlari dam olish kunlarisiz ishlashini eslatib o‘tdi.
“Shanba va yakshanba kunlari migratsiya va fuqarolikni rasmiylashtirish bo‘limlarida ish kunlaridir. Ish vaqti – 8.00 dan 20.00 gacha”, - deyiladi IIBB xabarida.
Bu fuqarolarning biometrik pasport olishi uchun vaqtni qulaylashtirish maqsadida tashkillashtirilgan.
Shuningdek, endilikda yakshanba kunlari barcha tuman MvaFRBlariga pasport-viza tartibi bilan bog‘liq boshqa masalalar bo‘yicha ham murojaat qilish mumkin. Xorijga chiqish biometrik pasportini rasmiylashtirish masalasi, propiska va ro‘yxatdan chiqish masalalari shular jumlasidandir.
Yangi o‘zgarish: xorijga chiqish pasportini rasmiylashtirishga doir hujjat tasdiqlandi
IIBB 2020-yilning 1-yanvariga qadar barcha O‘zbekiston fuqarolarida biometrik pasport bo‘lishi lozimligini eslatib o‘tgan.
