TOShKENT, 25-iyun - Sputnik. Qozog‘istonning Turkiston viloyati Aris shahri harbiy qismi hududidagi portlashlar natijasida jabrlanganlar orasida O‘zbekiston fuqarolari mavjud emas, deb xabar qildi O‘zbekiston TIV matbuot xizmati.
Ta’kidlanishicha, bu Turkiston viloyati bo‘yicha Favqulodda vaziyatlar departamenti tomonidan tasdiqlandi.
"Vaziyat Bosh konsulxona nazoratiga olingan", - deyiladi xabarda.
Konsullik-huquqiy departamenti Qozog‘iston hududida bo‘lib turgan O‘zbekiston fuqarolari zarur vaziyatlarda O‘zbekistonning Nur-Sulton shahridagi Elchixonasiga (tel.: +7-717-295-42-52) yoki Olmaota shahridagi Bosh konsulxonasiga (tel.: +7-727-291-11-78) murojaat qilishlari mumkinligini eslatadi.
Eslatib o‘tamiz, 24-iyun kuni ertalab soat 09:20da Qozog‘istonning Aris shahrida joylashgan harbiy qismning omborxonasida kuchli portlash sodir bo‘lgan edi.
