TOShKENT, 20-iyun – Sputnik. An-2 samolyoti Akmola viloyatida halokatga uchradi. Samolyot piloti halok bo‘ldi. Bu haqda Sputnik Qozog‘iston xabar qildi.
Xabarda aytilishicha, hodisa bugun soat 10-00 da sodir bo‘ldi. Akmola viloyatida joylashgan dalada kimoviy ishlov berish jarayonida An-2 samolyoti qulab tushdi.
Hodisa oqibatida pilot halok bo‘ldi, ikki nafar ekipaj a’zolari jarohatlandi. Ular shifoxonaga yotqizildi.
Halokat sabablari va halok bo‘lgan kishining shaxsi aniqlanmoqda.