TOShKENT, 5-iyun – Sputnik. O‘zbekiston prezidenti Shavkat Mirziyoyev topshirig‘iga asosan Toshkent shahrida 500 ta uy ehtiyojmandlarga Ramazon Hayiti tuxfasi sifatida tekinga topshirildi, deb xabar qilmoqda “Xalq bilan muloqot” guruhi.
“Davlatimiz rahbari topshirig‘iga asosan bugun Toshkent shahridagi 500ta oilaga Sergeli tumani “Choshtepa” mahallasida barpo etilgan ko‘p qavatli uylardagi xonadonlar TEKINGA sovg‘a tariqasida ehtiyojmandlarga topshirildi”, - deyilgan xabarda.
Ushbu ular maxsus komissi tanloviga ko‘ra, Toshkentning barcha 11 tumanida yashovchi uyga muhtoj fuqarolarga topshirilgani xabar qilingan. Ular orasida jumladan:
- 300 nafar uy-joyga muhtoj, og‘ir vaziyatga tushgan, nogironligi bo‘lgan fuqarolar, boquvchisini yo‘qotgan hamda yolg‘iz ayollar;
- 150 nafar nogironligi bo‘lgan fuqarolar;
- 50 nafar O‘zbekiston Respublikasi Fanlar akademiyasi qoshidagi ilmiy-tekshirish institutlarining ilmiy tadqiqotchilari, oliy ta’lim muassasalarida ilmiy izlanishlar olib borayotgan doktorant va tayanch doktorantlari.
Eslatib o‘tamiz, O‘zbekistonda so‘nggi yillarda aholini arzon va qulay uy joy bilan ta’minlasha qaratilgan bir necha dasturlar amalga oshirilmoqda. Ushbu dasturlar davlat ijtimoiy xizmatlari yoki alohida vazirlik va muassasalar tomonidan amalga oshirilmoqda.
