TOShKENT, 3-iyun – Sputnik. Toshkent masjidlari yaqinida Laylat ul-Qadr kechasi dron yordamida olingan fotosuratlar Britaniyaning Daily Mail nashri orqali tarqatildi.
Suratlardan ko‘rinib turibdiki, shahar ko‘chalarida, masjidlar yaqinida ming-minglab odamlar “Laylat ul-Qadr” kechasini kutib olish uchun jamlangan.
“Laylat ul-Qadr” kechasi - “Belgilash, o‘lchash kechasi” ma’nosida tushuniladi. Islom dinida aytilishiga ko‘ra aynan ushbu kechada Muhammad s.a.v.ga Qur’oni karim ilk bor namoyon bo‘lgan. Hozirda “Laylat ul-Qadr” Ramazon oyining so‘nggi 10 kunlarining birida belgilanadi. O‘sha tunni musulmonlar uxlamasdan o‘tkazishadi.
Bu yil Toshkentda “Laylat ul-Qadr” kechasi 31-maydan 1-iyunga o‘tar kechasi kutib olindi. Uni uyda emas masjidda kutib oluvchilar soni yanada ko‘p bo‘ldi. Quyidagi suratlarda buni tomosha qilish mumkin.
