TOShKENT, 30-may - Sputnik. GM Uzbekistan kompaniyasi Ozarbayjonga avtomobil savdosini yangiladi. Bu haqda kompaniya matbuot xizmati xabar qildi.
“Birinchi bosqichda mamlakatga R3 va R4 modellari yetkaziladi, keyinchalik modellar qatori kengayadi”, - deyiladi xabarda.
Avvalroq kompaniya avtomobillarini Ukraina, Qirg‘iziston Respublikasi, Belarus, Afg‘oniston, Tojikiston, shuningdek, Qozog‘istonga eksport qilgan.
2019-yil GM Uzbekistan faoliyatida eksport salohiyatini rivojlantirish yili deb e’lon qilingan va bugungi kunda kompaniya ushbu yo‘nalishda qator ishlarni amalga oshirmoqda.