TOShKENT, 24 apr - Sputnik. Toshkentni yana suv bosdi. Ijtimoiy tarmoqlarda ushbu voqealar aks etgan surat va videolar tarqalmoqda.
Ijtimoiy tarmoqlar foydalanuvchilari suv bosgan ko‘chalar aks etgan foto va videolarni o‘z sahifalariga joylay boshladi.
Ular hattoki yo‘lkalardan o‘tishning iloji yo‘q ekanligi aytib, o‘z noroziliklarini bayon qilishmoqda.
O‘tgan dam olish kunlari Toshkentda kuchli dovul bo‘lib o‘tdi. Yomg‘ir yog‘ib ko‘chalarni suv bosdi. Qattiq shamol oqibatida daraxtlar qulab, mashinalarni bosib qoldi.
Eslatib o‘tamiz, so‘nggi oy ichida O‘zbekistonning bir necha viloyatlarida yomg‘irli ob-havo kuzatildi. Kuchli yomg‘ir oqibatida Buxoroda yo‘llarni suv bosgan edi. Samarqand, Surxondaryo, Qashqadaryo viloyatlarida kuchli sel kelib, aholiga katta qiyinchilik tug‘dirgan edi.
Kuchli dovul oqibatida Toshkent ko‘chalarini suv bosdi - video
