TOShKENT, 23 apr - Sputnik. GM Uzbekistan AJ avtomobillarini Qirg‘izistonga eksport qila boshladi. Qirg‘izistonga avtomobillar Ravon brendi ostida eksport qilinadi. Bu haqda GM Uzbekistan matbuot xizmati xabar qildi.
Bugungi kungacha kompaniya avtomobillarni Belarus, Afg‘oniston va Tojikistonga eksport qilmoqda. Shuningdek, Qozog‘istonning Kostanay shaxridagi “SariarkaAvtoProm” zavodida kompaniya avtomobillarini yirik uzelli yig‘ish yo‘lga qo‘yildi.
2019 yil GM Uzbekistan faoliyatida eksport salohiyatini oshirish yili deb e’lon qilingan, bugungi kunda kompaniya mazkur yo‘nalishdagi faoliyatini yanada kengaytirish borasida muzokaralar olib bormoqda.
OAV: Ravon avtomobillari Rossiyada yig‘ila boshlanadi
Eslatib o‘tamiz, avvalroq O‘zbekistonda 2019-yil davomida ikkita yangi yo‘ltanlamas avtomobillari - Chevrolet Equinox va Chevrolet Trailblazer ishlab chiqarila boshlanashi haqida xabar qilgan edik.