TOShKENT, 11 apr - Sputnik. Toshkentlik Aleksandr Kudrashov Moskva shahrining Zelenograd okrugi Ichki ishlar boshqarmasi boshlig‘i etib tayinlandi. Bu haqda Zelenograd okrugi IIB matbuot xizmati xabar qildi.
Rossiyaning Moskva shahar IIV Bosh boshqarmasi boshlig‘ining o‘rinbosari general-mayor Sergey Plaxix yangi rahbarni boshqarmaning shaxsiy tarkibiga tanishtirgan.
Aleksandr Kudrashev 1977-yil Toshkentda tavallud topgan. U 1999-yilda O‘zbekiston Ichki ishlar akademiyasida, 2013-yilda esa Rossiya Ichki ishlar akademiyasida tahsil olgan.
Aleksandr Kudrashov yetti yil davomida Moskva shahrining Veshnyaki va Novogiriyeyevo tumani IIB bo‘limi rahbari lavozimida faoliyat yuritgan. 2017-yil fevral oyida Rossiyaning Obninsk shahar IIBB boshlig‘i etib tayinlangan
Sergeya Plaxixning so‘zlariga ko‘ra, ichki ishlar organlarida faoliyat yuritgan Aleksandr Kudrashov mehnat davomida o‘zini bilimdon, ma’suliyatli va ijrochi rahbar sifatida ko‘rsatgan.