TOShKENT, 27 mar – Sputnik. Irlandiya politsiyasi UFC sobiq chempioni Konor Makgregor ustidan jinsiy zo‘ravonlik ayblovlar yuzasidan tergov ishini olib bormoqda. Bu haqda New York Times gazetasi xabar qildi.
Xabarda aytilishicha, o‘tgan yil dekabrda sobiq chempionga qarshi shaxsi sir saqlangan ayol tomonidan jinsiy zo‘ravonlikda ayblagan.
Shikoyat arizasida qayd etilishicha, bu hodisa Dublindagi Beacon mehmonxonasida sodir bo‘lgan. Makgregor vaqti-vaqti bilan pentxaus bron qilib kelgan va u yerda oxirgi marta o‘tgan yil dekabrda bo‘lgan.
2019 yil yanvarda politsiya Makgregorni qo‘lga oldi va so‘roq qilingandan keyin qo‘yib yuborilgan. Sportchiga hali ayblov e’lon qilinmagan.
Sportchi vakillari bu ma’lumotlar bo‘yicha hech qanday izoh berishmadi.
Kuni kecha UFC yulduzi Konor Makgregor aralash yakkurash sportidagi faoliyatini yakunlashini e’lon qilgandi. MMAda 25 ta jang qilib, ulardan 21-marta g‘alaba qozongan va 4-marta mag‘lubiyatga uchragan.
