TOShKENT, 15 mar - Sputnik. 15 mart kuni Toshkent shahridagi ayrim ko‘chalarda yo‘l yotiq chiziqlari chizilishi munosabati bilan ayrim ko‘chalarning yo‘l qatnov qismida harakat qisman cheklanadi. Bu haqda Toshkent shahar hokimligi matbuot xizmati xabar qildi.
Harakatlanish cheklanadigan ko‘chalar:
- Afrosiyob ko‘chasining Sh.Rashidov ko‘chasidan Beshog‘och ko‘chasigacha bo‘lgan qismi soat 10:00 dan 13:00 gacha;
- Olmazor ko‘chasining Beshog‘och ko‘chasidan I.Karimov ko‘chasigacha bo‘lgan qismi soat 10:00 dan 12:00 gacha;
- Sh.Rashidov ko‘chasining Afrosiyob ko‘chasidan Alisher Navoiy ko‘chasigacha bo‘lgan qismi soat 10:00 dan 12:00 gacha.
Eslatib o‘tamiz, 14-mart kuni ham Toshkentdagi ayrim ko‘chalarda transport harakati qisman cheklangan edi.
