TOShKENT, 15 mar - Sputnik. Toshkent shahrida Yandex.Metroning mobil ilovasi ishga tushirildi. Uning yordamida shahar aholisi va unga tashrif buyurgan sayyohlar metroda kerakli marshrutni ko‘rishlari, qayerda boshqa yo‘lga o‘tishni va safar qancha vaqtni olishini bilib olishlari mumkin. Bu haqda O‘zbekiston Axborot texnologiyalari va kommunikatsiyalarnr rivojlantirish vazirligi xabar qildi.
Foydalanuvchi jo‘naydigan va chiqadigan stansiyalarini ko‘rsatishining o‘zi kifoya — Yandex.Metro kerakli o‘tish yo‘lagi yoki shaharga chiqish joyida bo‘lish uchun eng qulay bo‘lgan marshrut va vagonni ko‘rsatadi. Ilovada har bir stansiyaning ish vaqti va ularning shahar xaritasida joylashgan joyini ko‘rish mumkin. Agar stansiya ta’mirlash uchun yopilsa, bu sxemada ko‘rsatiladi
Yandex.Metro ilovasi yordamida temir yo‘l vokzali va avtobuslar shoh bekatiga yetib olish osonlashadi — ular sxemada maxsus belgi bilan ko‘rsatilgan. Bu xizmat chet mamlakatlarda ham yordam beradi: ilovada Moskva, Sankt-Peterburg, Yekaterinburg hamda Rossiya, Belarus, Ukraina va Turkiyadagi yana 10 ta shahar metrosi sxemalari mavjud.
O‘zbekistonda “Yandeks. Ob-havo” xizmati yog‘ingarchiliklar xaritasini ishga tushirdi
Eslatib o‘tamiz, avvalroq Toshkent shahrida Yandeks.Tirbandlik svetofori ishga tushgani haqida xabar qilingan edi.
