TOShKENT, 7 mar - Sputnik. Belgiya-isroillik milliarder Exud Arye Laniado Parijda intim plastika qildirayotganda vafot etdi, deb xabar qildi Sudinfo.be nashri.
Operatsiya vaqtida olmos sotuvchisiga inyeksiya qilishgan, shundan so‘ng Laniadoning yuragi urishdan to‘xtagan. Mediklar uni jonlantirishga harakat qilishgan, biroq erkakni qutqarib qolishning iloji bo‘lmagan.
Jarrohlik operatsiyasi klinikada kechqurun, ish soatidan keyin amalga oshirilgan.
Sputnik France xabariga ko‘ra, tadbirkor 65 yoshda bo‘lgan.
Laniado bor davlatini brilliant savdosi orqali orttirgan va bu qimmatbaho toshlarni baholash bo‘yicha bosh ekspertlardan biri bo‘lgan. U o‘z karyerasini 20 yoshida Markaziy-Afrika Respublikasida qimmatbaho toshlarni sotishdan boshlagan. Keyinchalik Antverpenda joylashgan Omega Diamonds kompaniyasiga asos solgan.
2015 yilda Laniado "Jozefinaning moviy hiloli" brilliantini rekord summa - 48,5 million dollarga pullagan.