TOShKENT, 7 fev – Sputnik. Besh yoshli o‘zbekistonlik bolakay Moskvada mental arifmetika bo‘yicha bo‘lib o‘tgan umumrossiya musobaqasida oltin medal sohibi bo‘ldi, deb xabar qilmoqda "Jahon" axborot agenetligi.
IV Umumrossiya mental arifmetika musobaqasiga butun dunyodan 500 dan ortiq 5-13 yoshli iqtidorli bolalar jamlanishdi. Musobaqa shartiga ko‘ra “kichik geniy”lar 8 daqiqa ichida 200 dan ortiq arifmetik mashqlarni bajarishlari kerak edi.
O‘zbekistonlik 5 yoshli Muxammadusuf Anvarov o‘z qobiliyati bilan hay’at a’zolarini taajubga soldi. U boshlang‘ich kategoriyada (Beginner) oltin medal sohibi bo‘ldi.
Hay’at a’zolari aytishiga qaraganda, Muhammadusuf yecha olgan misollarni har qanday katta yoshli kishi ham yecha olmaydi. Mental arifmetika bir vaqtning o‘zida inson miyasining ikkala yarim sharlarini ham rivojlantiradi.
Chempionning onasi Nozima Anvarova ushbu yutuqlar uchun Muhammadusufning o‘qituvchisi Elmira Arapovaga minnatdorlik bildirdi.
Aytish joizki, bu Muhammadusufning birinchi g‘alabasi emas. Mental arifmetika bo‘yicha 2018-yilning may oyida bo‘lib o‘tgan musobaqada ham u yubirinchilikni egallagan edi.