TOShKENT, 18 okt – Sputnik. GM Uzbekistan “Tracker” modelini yirik uzelli yig‘ish jarayonini boshladi, deb xabar qilmoqda kompaniya matbuot xizmati.
“Sinov ishlab chiqarish doirasida ayni damda 28 dona “Tracker” avtomobili yig‘ildi. Dastlabki yirik uzelli yig‘ish muvaffaqiyatli amalga oshirildi”, - deyilgan kompaniya xabarida.
Ommaviy ishlab chiqarish yo‘lga qo‘yilishi sanasi, shuningdek avtomobil xususiyatlari va narxlari haqida batafsil ma’lumot barcha ishlab chiqarish jarayoni yo‘lga qo‘yilgandan so‘ng beriladi.
Xabarda aytilishiga ko‘ra, Chevrolet Tracker modelini ishlab jamiyatning Toshkent shahridagi filialida yo‘lga qo‘yiladi. Ushbu maqsadda GM Uzbekistan va “GM Korea” o‘rtasida uskuna va butlovchi qismlarni yetkazib berish uchun bir qator shartnomalar imzolangan.
