TOShKENT, 21-iyun — Sputnik. Chexiya va O‘zbekiston tramvay vagonlarini O‘zbekistonda birgalikda ishlab chiqarishga kelishib oldi, deb xabar berdi Samarqand viloyati hokimligi matbuot-xizmati.
"Delegatsiya a’zolari Samarqand shahar hokimi Furqat Rahimov bilan uchrashdi", — deyiladi xabarda.
Suhbat chog‘ida ikki tomonlama hamkorlikni mustahkamlash, jumladan, Chexiyada ishlab chiqariladigan tramvay vagonlarini xarid qilish, ularga texnik xizmat ko‘rsatish va ta’mirlash masalalar muhokama etilgan. Shuningdek, tramvay vagonlarini O‘zbekistonda birgalikda ishlab chiqarish, yo‘lovchilar uchun yanada qulayliklar yaratish bo‘yicha ham fikrlashib olingan.
Mehmonlar "Tramvay yo‘nalishlaridan foydalanish direksiyasi" davlat korxonasi faoliyati bilan ham tanishib, o‘zaro hamkorlik yuzasidan kelishuvlarga erishgan.
