TOShKENT, 15-iyun — Sputnik. O‘zbekiston prezidenti jahon chempionatining ochilish marosimida ishtirok etdi va kunning o‘zida Toshkentga jo‘nab ketdi.
Kuni kecha prezident Shavkat Mirziyoyev Rossiya prezidenti Vladimir Putinning taklifiga binoan Moskvaga tashrif buyurgan edi.
O‘zbekiston yetakchisi Rossiyada futbol bayramiga xos ko‘tarinki muhitda kutib olindi, o‘g‘li va nabirasi bilan futbol bo‘yicha 2018-yilgi jahon chempionatining ramzi — bo‘ri "Zabivaka" bilan suratga tushdi.
So‘ngra "Lujniki" olimpiya kompleksida o‘tkazilgan futbol bo‘yicha jahon chempionatining ochilish marosimida ishtirok etgan.
O‘zbekiston rahbari oliy martabali mehmonlar qatorida Rossiya va Saudiya Arabistoni milliy terma jamoalari o‘rtasidagi o‘yinni tomosha qildi va xorijiy davlatlar rahbarlari bilan muloqotlar o‘tkazdi. Mirziyoyev shu kunning o‘zida Toshkentga jo‘nab ketdi.