TOShKENT, 17 apr — Sputnik. O‘zbekiston Favqulodda vaziyatlar vazirligi Seysmoprognostik monitoring Respublika markazining ma’lumotiga ko‘ra, 16-aprel kuni Toshkent vaqti bilan soat 17:18 da respublika hududida yer silkinishi qayd etildi, deb xabar qildi FVV matbuot xizmati.
Xabarda aytilishicha, zilzila markazi Toshkent shahridan 196 km uzoqlikda janubi-g‘arbiy yo‘nalishda Jizzax viloyati hududida qayd etilgan.
Zilzila magnitudasi markazda 3,5 tashkil etdi. Zilzila kuchi Samarqandda 2 ball, Jizzaxda 3 ballni tashkil etdi.
O‘zbekistonning boshqa hududlarida yer silkinishi qayd etilmadi.
Talafotlar va jabrlanganlar to‘g‘risida ma’lumot kelib tushmadi.