TOShKENT, 3 apr — Sputnik. O‘zbekiston TIV rahbari Abdulaziz Kamilov Minsk shahrida bo‘lib o‘tadigan MDH TIVK majlisida ishtirok etadi, deb xabar qildi O‘zbekiston TIV matbuot-xizmati.
"2018-yilning 6-aprel kuni O‘zbekiston Respublikasi Tashqi ishlar vaziri Abdulaziz Kamilov rahbarligidagi delegatsiya Minsk shahrida bo‘lib o‘tadigan Mustaqil Davlatlar Hamdo‘stligi Tashqi ishlar vazirlari kengashining bo‘lajak majlisida ishtirok etadi", — deyiladi xabarda.
Majlis ishtirokchilari 2018-yilgi rejalarni ham muhokama qiladilar.
Xususan, gumanitar hamkorlikni kengaytirish va chuqurlashtirish doirasida TIVK majlisida 2021-yilni Mustaqil Hamdo‘stlik Davlatlarida Arxitektura va shaharsozlik yili deb e’lon qilish loyihasining ko‘rib chiqilishi va ma’qullanishi kutilmoqda.
Shuningdek, kun tartibidan: MDH ishtirokchi davlatlaridagi o‘qituvchilar va ta’lim sohasi xodimlari Qurultoyi haqidagi loyiha, MDH ishtirokchi davlatlari "MDH uchun 100 loyiha" qatnashchilarining xalqaro yoshlar loyihasi, MDH ishtirokchi davlatlarining soliq(moliyaviy) surishtiruvini amalga oshiruvchi organlar uchun xodimlarning malakasini oshirish va ularni qayta tayyorlash loyihasi ham ko‘rib chiqilishi kutilmoqda.
Shuningdek TIVK majlisi kun tartibidan o‘rin olgan masalalarning teng yarmidan ko‘pi hamdo‘stlik maydonida yangi tahdid va xavflarga qarshi kurashish sohasida hamkorlikni chuqurlashtirishga qaratilgan.
