TOShKENT, 14 mar — Sputnik. AQSh prezidenti Donald Tramp mamlakatda qo‘shinlarning yangi turi — kosmik qo‘shinlar paydo bo‘lishi haqida bayonot qildi, deb xabar qilmoqda RIA Novosti.
"Mening kosmos bo‘yicha milliy strategiyam, kosmik bo‘shliqda xuddi yerda, havoda va suvda singari harbiy harakatlar amalga oshirilishini tan olmoqda. Bizda hatto kosmik kuchlar paydo bo‘lishi mumkin… Biz havo kuchlariga egamiz, kosmik kuchlarni yaratamiz, quruqlikda va flot qo‘shinlarimiz bo‘ladi", — deb aytgan Tramp Kaliforniyada chiqishi vaqtida.
Tramning so‘zlariga qaraganda, u avvaliga bu g‘oyani jiddiy qabul qilmagan, ammo keyinchalik bu ajoyib g‘oya degan xulosaga kelgan. "Balki biz buni amalga oshirishimiz kerak bo‘lar. Bu amalga oshishi mumkin", — degan Tramp.
Ilgariroq Pentagon va HHK vakillari yangi turdagi qo‘shinlarning yaratilishi g‘oyasiga qarshi chiqishgan edi. Ularning nuqtayi-nazarida bo‘lishi mumkin bo‘lgan foyda keng ko‘lamda amalga oshirilishi kerak bo‘lgan tashkiliy o‘zgarishlarni oqlamas edi.
AQSh, xuddi boshqa mamlakatlar singari bosib olish va mudofaa qilish bo‘yicha kosmik tizimlarini rivojlantirmoqda. Harbiy sputniklardan va (taxminga ko‘ra) sputniklarga qarshi harbiy potensialidan tashqari, AQSh parvozlari o‘ta mahfiylashtirilgan uchuvchisiz kosmik samolyotga ega.
