TOShKENT, 24 noya — Sputnik. Ayollardan shahvoniy maqsadlarda foydalangan uyushgan guruh yetakchisi Tailandda qo‘lga olindi, deb xabar berdi O‘zbekiston milliy OAVlari.
IIV Terrorizm va ekstremizmga qarshi kurashish bosh boshqarmasi ma’lumotiga ko‘ra, ichki ishlar organlari tomonidan qidiruvda bo‘lgan, O‘zbekistondan ayollarni Tailand davlatiga olib borib, u yerda fohishalik qilish bilan shug‘ullantirgan, ulardan shahvoniy maqsadlarda foydalangan uyushgan guruh yetakchisi Samarqand viloyatining Bulung‘ur tumanida yashagan M.B. ismli ayol vazirlikning bosh boshqarma va "Interpol" Milliy markaziy burosi tezkor xodimlari bilan hamkorlikda Tailandda qo‘lga olingan.
Ayol javobgarlikni ta’minlash maqsadida, O‘zbekistonga olib kelinganligi aytilmoqda.
