TOShKENT, 30 okt – Sputnik. Rossiya va Qozog‘iston parlamenti vakillari uchrashuvida Duma Mudofaa kengashi raisi Vladimir Shamanov terrorchilar safida 10 ming MDH fuqarolari bo‘lganini xabar qildi, Sputnik Qozog‘iston xabariga asosan.
“Terrorchilar safida 10 mingga yaqin MDH fuqarolari bo‘lgan va ular orasida rossiyaliklar ham kam emas. Ulardan qancha ko‘pi uyiga qaytmasdan qumli qabrlarda qolib ketsa, kuch tuzilmalarimiz oldida davlatlarimiz xavfsizligini saqlashga qaratilgan vazifalar shuchalik kamayadi”, — dedi Shamanov.
Shuningdek, Duma vakili Suriyada Rossiya Havo-kosmik kuchlari harbiy operatsiyasi boshlaganidan buyon 1 milliondan ortiq fuqarolar o‘z uylariga qaytib, tinch hayot boshlashga muvofiq bo‘lganini va harbiy opreatsiya yakuniga yetay deb qolganini ta’kidladi.
“Umuman olganda harbiy operatsiya o‘z maqsadiga erishdi desak bo‘ladi. Yil oxiriga qadar Suriya hukumati sharqiy chegara ustidan nazorat o‘rnatadi va Islom davlati, tashkiliy tuzilma sifatida, tugatiladi”, — dedi Mudofaa kengashi raisi.
Eslatib o‘tamiz, bundan bir necha kun oldin Rossiya Mudofaa vaziri Sergey Shoygu ham Suriyadagi harbiy operatsiya yakuniga yetay deb qolganini xabar qilgan edi.
