TOShKENT, 10 okt — Sputnik. O‘zbekiston Respublikasi grezidenti Shavkat Mirziyoyev 2017-yil 10-11 oktabr kunlari Mustaqil Davlatlar Hamdo‘stligi Davlat rahbarlari kengashining Sochi shahrida bo‘ladigan navbatdagi majlisida ishtirok etadi, deb xabar berdi O‘zbekiston Hukumat portali.
Sammit yakunida MDHga a’zo mamlakatlar davlat rahbarlarining Oila instituti va an’anaviy oilaviy qadriyatlarni qo‘llab-quvvatlash bo‘yicha bayonoti, 2019-yilni Kitob yili, 2020-yilni 1941-1945 yillardagi ulug‘ Vatan urushida qozonilgan g‘alabaning 75-yilligi yili, deb e’lon qilish haqida qaror, shuningdek, Hamdo‘stlik mamlakatlari o‘rtasidagi hamkorlikni mustahkamlashga qaratilgan boshqa hujjatlar qabul qilinishi rejalashtirilgan.
O‘zbekiston prezidenti Sochi shahrida ikki tomonlama qator uchrashuvlar ham o‘tkazadi.
