TOShKENT, 10 okt — Sputnik. Turkiya prezidenti Rajab Toyib Erdo‘g‘on Ukraina rahbari Petr Poroshenko bilan o‘tkazgan birgalikdagi matbuot-anjumanida mudrab o‘tirdi, deb xabar qildi Sputnik Qirg‘iziston nashri.
Poroşenko, Erdoğan'ın uykusunu getirdihttps://t.co/APWP1N68Ht pic.twitter.com/Bqh1ULytIg
— Sputnik Türkiye (@sputnik_TR) 9 oktabrya 2017 g.
Videoyozuv Sputnik Turkiya tomonidan Twitterda e’lon qilingan.
Kadrlarda qayd etilganidek, Poroshenko nutq so‘zlayotgan vaqtda Erdo‘g‘on uxlab qolmaslik uchun kurashgan, ammo baribir bir necha marta esnagan va qaysidir soniyalarda ko‘zlarini yumgan.
Hamkasbining holatini sezgan Ukraina rahbari qo‘li bilan stolni taqillatgan va Erdo‘g‘onni uyg‘otishga harakat qilgan.
Eslatib o‘tamiz, Turkiya prezidenti Toyib Erdo‘g‘on dushanba kuni Kiyevga rasmiy tashrif uyushtirgan va Petr Poroshenko bilan uchrashuv o‘tkazgan edi. Ikki davlat rahbarlari bir nechta hujjatlar, xususan, 2017-2019 yillarda ikkiyoqlama munosabatlarni rivojlantirish bo‘yicha harakatlar rejasini imzolashgan. Hamkorlikda o‘tkazilgan brifing chog‘ida Erdo‘g‘on Ukraina yaxlitligini qo‘llab-quvvatlashini aytgan.