TOShKENT, 2-may — Sputnik. “O‘zbekiston Havo yo‘llari” milliy aviakompaniyasi “Nukus” aeroportiga xalqaro parvozlarni qabul qilish 1 maydan boshlab to‘xtatilganini xabar qildi.
Ushbu chora aerovokzal majmuasini ta’mirlash maqsadida amalga oshirilgan.
Ushbu munosabat bilan, O‘zbekiston Havo yo‘llarining HY 626 soni “Nukus – Moskva – Nukus” yo‘nalishidagi parvozi Urganch aeroportiga ko‘chiriladi va quyidagi tartibda amalga oshiriladi:
HY-625 Urganch – Moskva, 10:35 – 12:25.
HY-626 Moskva – Urganch, 13:35 – 19:25.
Xabarda shuningdek, Milliy aviakompaniya ushbu noqulayliklar uchun yo‘lovchilardan uzr so‘rashi aytilgan.
“O‘zbekiston Havo yo‘llari” – O‘zbekistondagi yagona aviakompaniya bo‘lib, respublika hududidagi barcha fuqaro aviatsiyasi samolyotlari va aeroportlar Milliy aviakompaniya tizimiga kiradi.