TOShKENT, 24 yanv — Sputnik. Rossiyaning Roskomnadzor kompaniyasi va Ichki ishlar vazirligi yangi qonun loyihasini ishlab-chiqdi. Hujjjatda sim-kartalar savdosi bilan noqonuniy shug‘ullanuvchilarga jarima solish hamda sotuvchi-migrantlarni mamlakatdan chiqarib yuborish ko‘zda tutilgan, deb xabar qilmoqda RIA Novosti.
"Operator vakolatisiz sim-kartalar tarqatish bilan shug‘ullangan jismoniy shaxslarga — 2-5 ming rubl, yuridik shaxslarga — 100-200 ming rubl jarima solish belgilangan", — deb yozadi nashr.
Xabarda aytilishicha, chet el fuqarolari yoki fuqaroligi bo‘lmagan shaxslar noqonuniy ravishda sim-karta sotish bilan shug‘ullansalar, ularga 50-60 ming rubl miqdorida jarima solinadi va tovarlari tortib olinadi, shuningdek bu shaxslar 15 sutkaga hibsga olinib, Rossiya hududidan chiqarib yuboriladi.
