Mirziyoyev respublikadagi milliy madaniy markazlar faollarini mukofotladi

TOShKENT, 24 yanv — Sputnik. O‘zbekiston Prezidenti Shavkat Mirziyoyev Respublika Baynalmilal madaniyat markazining 25-yilligi munosabati bilan mamlakatimizda faoliyat yurituvchi Milliy madaniy markazlarning bir guruh faollarini mukofotlash to‘g‘risidagi farmonni imzoladi, deb xabar qilgan Prezident matbuot-xizmati.

Unvonlar O‘zbekistonda millatlararo do‘stlik va totuvlikni mustahkamlash, jamiyatimizda turli millat va elat vakillari o‘rtasida hukm surayotgan o‘zaro hamjihatlik va mehr-oqibat muhitini asrash, yosh avlodni vatanparvarlik, milliy va umuminsoniy qadriyatlarga hurmat ruhida tarbiyalash hamda milliy madaniy markazlar faoliyatini rivojlantirish borasidagi katta xizmatlari uchun berilayotgani aytib o‘tilgan.

Xususan, "O‘zbekiston Respublikasida xizmat ko‘rsatgan madaniyat xodimi" unvoni — Bazarbayeva Nurkul Alimbayevna – Navoiy viloyati Konimex tumani qoraqalpoq milliy madaniy markazi faoli, Konimex tumanidagi "Jas tulek" ansambli badiiy rahbariga berilgan.

Mironov Sergey Aleksandrovich — Respublika baynalmilal madaniyat markazi direktorining o‘rinbosari "O‘zbekiston Respublikasida xizmat ko‘rsatgan yoshlar murabbiysi" unvoni bilan taqdirlangan.

Shuningdek, "Mehnat shuhrati" ordeni bilan Muhammadiyev Nasriddin – Respublika baynalmilal madaniyat markazi direktori mukofotlangan.

Taqdirlanganlarning to‘liq ro‘yxati bilan quyida tanishishingiz mumkin.