TOShKENT, 22 dek — Sputnik. O‘zbekiston milliy xavfsizlik xizmati chegara qo‘shinlari harbiylari Tojikistondan giyohvand modda olib kirishga bo‘lgan urinishga chek qo‘yishdi, deb xabar berdi davlat chegarasini qo‘riqlash qo‘mitasi matbuot xizmati Sputnik muxbiriga.
O‘zbekiston Respublikasining "Bekobod" temiryo‘l o‘tkazuv punktida №3001 "Xo‘jand — Xovos" yo‘nalishidagi yuk poyezdi tekshirilganida chegarachilar ikki kilodan ortiq geroin va to‘rt kilodan ortiq gashish moddalarini topishdi.
Mazkur holat yuzasidan O‘zbekiston huquqni muhofaza qilish organlari tomonidan jinoyat ishi qo‘zg‘atildi, tergov ishlari olib borilmoqda.