2016-yil nafaqat jahon, balki O‘zbekiston tarixida ham millionlab insonlar qalbini larzaga solgan buyuk yo‘qotishlar ro‘y berdi 20.12.2016, Sputnik O‘zbekiston
Joriy yilning 3-iyun kuni Amerikadagi Finiks shifoxonasida afsonaviy bokschi Muhammad Ali 75 yoshida vafot etdi. O‘lim noma’lum sabablar tufayli yuzaga kelgan septik shok oqibatida ro‘y bergani ma’lum qilindi. Bunga qadar - 30-yil davomida bokschi Parkinson kasalligi bilan kurashib kelgan edi.
Sovet Ittifoqi va Rossiyaning afsonaviy jurnalisti Valentin Zorin 27-aprel kuni Moskvadagi klinikalarning birida 91 yoshida vafot etdi. Rossiya dunyo panoramasini aynan Zorin nigohi orqali tomosha qilgan deyish mumkin. Zorin, muallifligi ostida, shuningdek, "Amerikaning tan olinmagan qirollari", "Milliardlarga ega janoblar", "Ziddiyatlarga boy Amerika" nomli kitoblar chiqqan. 2014-yildan boshlab "Rossiya segodnya" axborot agentligining siyosiy sharhlovchisi vazifasida ishlagan.
O‘zbekiston xalq shoiri, O‘zbekiston Qahramoni Erkin Vohidov 30-may kuni og‘ir xastalikdan so‘ng 80 yoshida olamdan o‘tdi. "O‘zbegim" qasidasi - Erkin Vohidovning eng mashhur ijod namunalaridan biridir, deb aytish mumkin.
Sovet Ittifoqi va Rossiyaning eng mashhur hayvon o‘rgatuvchi sirk artistlaridan biri "Rossiya davlat sirki" Bosh direktori, SSSR xalq artisti Mstislav Zapashniy 22-sentabr kuni bo‘lib o‘tgan Rossiya sirkining 90-yilligiga bag‘ishlangan matbuot-anjumani tugashi bilan vafot etgan. Artist 78 yoshda edi.
Sobiq Ittifoq va Rossiyaning afsonaviy masxarabozi Oleg Popov 2-noyabr kuni 86 yoshida Rostov-Donga uyushtirgan gastrol safarida olamdan o‘tgan. Hayotining so‘nggi 30-yilini Germaniyada yashagan artist Rossiyaning bir nechta shaharlariga gastrol safari bilan borishni rejalashtirgan edi...
Isroil Respublikasining to‘qqizinchi prezidenti, Tinchlik bo‘yicha Nobel mukofoti sovrindori Shimon Peres 28-sentabr kuni 93 yoshida vafot etdi. Peres ikki hafta oldin boshdan kechirgan insult xastaligidan so‘ng o‘ziga kelmagan.
O‘zbekiston xalq shoiri, O‘zbekiston Qahramoni, O‘zbekiston madhiyasi muallifi Abdulla Oripov 5-noyabr kuni AQShning Nyu-York shahrida joylashgan kasalxonalardan birida og‘ir xastalik oqibatida vafot etdi. Shoirning jasadi 10-noyabr kuni O‘zbekistonga olib kelinib, Toshkentdagi "Chig‘atoy" qabristonida dafn etildi.
Kuba inqilobi yetakchisi Fidel Kastro 26-noyabr kuni 90 yoshida vafot etdi. Komandantening o‘limi haqida Kuba milliy televideniyesi orqali marhumning ukasi Raul Kastro ommaga e’lon qildi. Fidel Kastroning hoki Kuba shahridagi Santa Ifigeniya qabristonida dafn etildi.
